Én:ska Aonsón:ton

“articule” rontatenatón:kwat khi raotithiokwa tanon ratirhiwí:saks' onní:tsi tahatí:taste ne at'kenronniá:tshera tanon “Anti-Oppressive Arts Centre” ronská:neks ahonithiokonni.

Ó:nen khi ionkwahiá:ton tsi nikahianerenseroten ne Én:ska Aonsó:ton netsi tehiakwaká:nere tsi natehiotenionianí:ton ne at'kenronniá:tshera ne onkwetá:ke. Neki aorhiwa tsi ionkwakwisron tsi ionkwaterí:io taká:tane ne at'kenronniá:tshera. Neki hionkwahio'te tsi nónwe thonkwatasá:ronte (articule tanon ne Anti-Oppressive Centre).

Ne “articule” rontatenatón:kwa, rahtirhiwaiente:rhi tsi nihonwahtikenrón:ni tsonkwetat'son tanon ne tka'rhihonniata tsi nihatiwatsiro:ten, kani'thoné:non, tekaié:ston ken tsinihionkweto:tens, rohtiwis'taien ken, karhiwhiostón:tshera tanon thikate aorhiwason'a. Ne onni tkarhihonniá:ta tsi ronwatikenronni tsi hia tehonatesén:naien ahontará:tate, ronwathikenrón:ni tsi nihatiwatsió:ten, tsinihothirhió:tens. Ronwanasterhí:sta, ronwatikenronni, ronwhatios, ronwanatakwá:swas,

“articule” ronaterhiwaién:ni ne ahonwatinón:state ne rowathikenronni tanon ahonteientat'sen:ri ó:nitsi tahatí:taste tsini hothihiá:tawens.

Rohnateién:tare ne articule tsi tho rahtiná:kere Onkwehowe rahononkhntsake. Wahakwarhiwí:sa tsi tenká:tane tsi hiakikenrón:ni ne Onkwehonwe.

Iekaién:teres ne “articule” tsi kahsat'stén:sera, kahnikonrí:io tanon atennitenrá:tshera kahriwanon'ta ne én:ska aonsón:ton. Ne khi karhiwanón:ta ne tahonta'ken, tahatihiató:rete tanon ahathirí:wente. Rahtihía:tare ó:ni ne QTBIPOC rontatenatón:kwa.

Ia thiatekahieri nek'ne kanikonrhí:io. Ne karhiwanon'ta ne ahatién:terene nahoten iakosat'stenserawis tanon ne nahó:ten iakonón:waiens.

Wahatirí:wente ne articule tsi tenhontathiató:rete tanon tenhontenserhió:hake ne roniathiakeson ne sa'tehotienseroten. Tenhonwatiriwá:shenese ó:ni ne ó:ka ronwathikenrón:ni. É:e ó:ni ionkwat'kenronniaskon.

Iotenotón:kwen ne É:ska Aonsón:ton on:ka aionthiá:taren. Ronwathihonkaráwi ne tho rotió:te, ne ohenton ró:nete tanon akwekon ne ronathiakeson. Ne ne awé:nene tsinihonthie:ha, khi othió:kwa ne Én:ska Aonsón:ton konwaiats, hiotenoton:kwen ne akwekon aiethiá:taren (rowatinonsani:hen, tanon ne ón:ka tehatirhiwa:shne tsi nihonthie:ha). Rotirhihowaná:ton ne rathihiá:tare ne articule tsi nihotirhihoten tanon tsi enska tsi tonatí:ronte. Akwekon ne oriwason'a enhonó:hets'te ne akwekon ahiakonnikonraien:tane tsi nihotirhihotens ne articule. Akwekon tenkatá:rake,enkarhiwisakon tanon tenhont'kará:ren tsi tka'nontís:taien ne articule. Tho nitsi tsi skennen tsi akwekon enwaterhiwatenti. Tenhont'kará:ren ne akwekon aontakaié:rine.